Boshqaruv

Birjaning joriy faoliyatiga rahbarlik qiladi;

Birjaning faoliyatida Qonun va boshqa qonunchilik hujjatlari talablariga rioya qilinishini ta’minlaydi;

Aksiyadorlarning umumiy yig‘ilishi va Birja kengashi qarorlarining ijro etilishini tashkil qiladi va nazorat qiladi;

Birjaning yillik biznes-rejasi parametrlari bajarilishini ta’minlaydi;

Birjani rivojlantirish strategiyasiga erishish bo‘yicha ko‘rilayotgan chora-tadbirlar to‘g‘risida Birja kengashi oldida muntazam ravishda hisobot beradi;

Har yili Aksiyadorlarning yillik umumiy yig‘ilishida moliya yili yakunlariga ko‘ra Birjaning moliya-xo‘jalik faoliyati natijalari, Birjaning yillik biznes-rejasi bajarilishi va Birjaning rivojlantirish strategiyasiga erishish bo‘yicha ko‘rilayotgan chora-tadbirlar to‘g‘risida hisobot beradi;

Birjaning barcha xodimlari tomonidan bajarilishi majburiy bo‘lgan buyruq va farmoyishlar chiqaradi hamda ko‘rsatmalar beradi;

Birjaning ichki hujjatlarini tasdiqlaydi, Aksiyadorlarning umumiy yig‘ilishi yoki Birja Birja kengashi vakolatlariga kiritilgan masalalar bundan mustasno;

Birjani rivojlantirishning dasturlari va yillik biznes-rejalari ishlab chiqilishiga rahbarlik qiladi;

Birjaning Birja kengashi bilan birgalikda Birja faoliyatining asosiy yo‘nalishlari va maqsadlaridan kelib chiqqan holda uning aniq muddatlarini belgilab, o‘rta va uzoq muddatli davr uchun Birjani rivojlantirish strategiyasi loyihasi ishlab chiqilishini tashkil etadi;

Birjada buxgalteriya hisobi va hisobotining to‘g‘ri yuritilishi va ishonchliligini, tegishli organlarga yillik hisobot va boshqa moliyaviy hisobotlarni o‘z vaqtida taqdim etilishini tashkil etadi.